Full Time: Dodoma Jiji yachezea Kichapo cha Bao 2 kwa 0

NI yule yule Fiston Mayele ambaye alitoka kuiadhibu Singida BS ndiye aliyezamisha jahazi la Dodoma Jiji kwenye uwanja  wa Liti na kuifanya Yanga Sc irejee kileleni mwa msimamo wa Ligi Kuu Bara huku wakiishusha Azam kwenye nafasi hiyo wote wakiwa na alama 29, wametenganishwa na mabao.

Yanga Sc ambayo  ilitembeza boli na kuwaacha na furaha mashabiki zao ambao walijitokeza kwa wingi uwanjani hapo,  imerejea kileleni huku wakiwa na mchezo mmoja mkononi tofauti na wenzao, Azam FC.

Hizi ni dondoo muhimu kuhusu mchezo huo wa Ligi ambao Yanga Sc iliibuka na ushindi wa mabao 2-0 yote yakifungwa na Mayele.

Ulikuwa ushindi wa nne mfululizo kwa Yanga Sc tangu mara ya mwisho kutoka sare ya bao 1-1 kwenye mchezo wa watani wa jadi.

Ulikuwa mchezo wa pili mfululizo kwenye ligi kwa Abutwalib Mshery kuanza kwenye kikosi cha kwanza  cha Yanga Sc.

Mabao mawili ambayo alifunga Mayele yanamfanya kuwa kinara wa mabao Ligi Kuu Bara akiwa na mabao manane.

Kilikuwa kipigo cha nne kwa Dodoma Jiji kutoka kwa Yanga Sc ndani ya michezo mitano  tangu kupanda kwao ligi kuu, wamekuwa vibonde kwa mabingwa hao wa Kihistoria.

Yanga Sc imeendeleza rekodi yao  ya kucheza michezo mfululizo (48) kwenye ligi bila ya kupoteza, anayefuata kwenye ratiba yao ni Mbeya City

Usipitwe na Habari Yoyote. Install Timu ya Wananchi App kwenye Simu Yako Upate Habari Za Timu yako Kwa Haraka Zaidi

Download/Pakua App ya Timu ya Wananchi Google Playstore BOFYA HAPA